Un di e metanan di Fundashon Alton Paas ta trese konsientisashonn tokante dwarslaesie. Den kuadro di esaki Fundashon Alton Paas tin e honor di anunsia un kolaborashon ku e programa Bienestar i Salú di Kòrsou pa trese informashon tokante dwarslaesie i tambe e bida despues.
E promé episodio ya a pasa kaba di kual nos por a skucha Migarda Martina ku a splika tokante kiko ta dwarslaesie i su kousanan. Tambe a papia di e diferente inisiativanan ku fundashon tin i e impakto ku esaki tin den bida di otronan aki na Kòrsou.
E programa ta keda presentá pa Cloudytte Weert. E ta un programa di tur djarason atardi 6or na radio direct 107.1fm.
E vishon di e programa ta pa nos komunidat por biba mas konsiente i salu. Ta konosi ku e nivel di malesa ta spantoso riba nos dushi isla Kòrsou kompará ku e restu di paisnan. Pesei abo komo radio oyente ta fundeshi di e proyekto. Sin bo no tin rason pa presentá “Bienestar i Salú di Kòrsou.
E siguiente episodio ku lo bo bai skucha di Fundashon Alton Paas lo ta día 27 di yüli di 6:00 pa 6:30 atardi na Radio Direct mes. Sintonisé pa bo skucha mas di Fundashon Alton Paas.