Proyekto Ehersisio Bou di Guia

Jun 22, 2020 | News

AP Center tin 3 programa ku un persona por apliká pe.

Gym: Ehersisio independiente ku ta duna un persona akseso na un ora pa hasi uso di tur ekipo, pesonan i tur otro asesorionan pa e por hasi su ehersisio independientemente.

EgB: Ehersisio bou di Guia kaminda bo ta haña un trainer sèrtifiká ku ta krea un plan di ehersisio ku bo mes por sigui. E ehersisionan ta dirihi riba e metanan ku bo stipulá i ta adaptá na bo kondishon ku bo por logra lo maksimo. E Trainer tei durante bo ora di ehersisio pa duna instrukshon i yuda bo kaminda mester.

ABT: Activity-Based Training ta un training intensivo duna dor di un trainer sèrtifiká pa stimulá e muskulonan i e nèrvionan ku e meta pa generá funshonnan nobo na e parti afektá di e kurpa dor di un paralisis. E Trainer ta hasi e ehersisio ku bo.

Tur aña Fundashon Alton Paas sa krea un proyekto i buska finansiamentu ku ta duna chèns na un grupo di persona pa por pasa den un dje programanan di AP Center na un preis redusí.
E bia aki pa promé di yüli nos lo bai hasi esaki atrobe pa un grupo limitá ku lo bai hasi EgB (Ehersisio bou di Guia) den un proyekto di 3 luna largu. Lo bo haña un skèdjel di 1 ora dos bia pa siman ku un trainer sèrtifiká pa guía bo den bo ehersisio, mustra bo kiko bo por train i kon ta miho pabo train pa bo por sigui bai dilanti.

Dor di e desaroyo aki nos tin espasio pa e lastu 3 personanan registrá pa partisipá den e proyekto aki di EgB (Ehersisio bou di Guia).
E personanan ku ta bin na remarke pa esaki mester por kumplí ku e sigiente kriterianan:

  • Mester tin un paralisis òf problema ku mobilidat
  • Mester por sinta den ròlstul (no drumi riba kama)
  • Mester por komuniká
  • No por tin herida
  • Mester por bisti paña deportivo i kèts
  • No a partisipá den un proyekto di ehersisio di Fundashon Alton Paas den pasado

Si abo tin un òf otro paralisis i bo ke move, hasi e kurpa mas flèksibel, drecha bo kondishon fisiko i nunka no a logra haña un manera pa alkansá esaki. Awor ta bo chèns.

Pa bo partisipá den e proyekto aki bo mester yena e sigiengte formulario i un representante di AP Center lo tuma kontakto ku bo pa bisa si bo a kai den e selekshon di personanan.

Si bo tin kualke duda òf pregunta, bo por puntra libremente òf bo por start mesora dor di yena e formulario. Klek aki!