WILLEMSTAD, Dia 12 di mart tabata e di 8 edishon di The Annual Fitness Challenge. Manera ya ta konosi, The Annual Fitness a bira un plataforma di inklushon. Un kaminda ku tur persona por bin huntu según nan abilidat pa move huntu i yuda hasi Kòrsou un pais mas inklusivo.
E di 8 Edishon aki ta e promé bia atrobe despues di pandemia. Tur kos a kuminsá 5:45 di mainta na International School
kaminda tabata presente Minister di Asuntonan Sosial, Bienestar i di Labor, Minister Larmonie i Alton Paas ku a duna algun palabra pa despues ku konteo huntu ku minister por a start ku tur e aktividatnan. E aktividatnan a konsisti di e kaminata ku tabata den kolaborashon ku Jolly Walkers ku tambe tur aña ta aportando ku su team di boluntario. Den sala di International School a kuminsá ku Yoga duná pa Isiomar de Leu. Despues a sigui Zumba duna pa Charlyne Balentina, BBB duna pa Yoslym Gouveia, Fitcombat duna pa Valerie i Ray, Line Dancing i Pump on wheels duná pa Ruth Kroes, Pilates duná pa Helen Griffith i a finalisá ku Zumba kids duná pa Charlyne Balentina.
Riba e parkeerplaats pafo di e ouditorio di International School tatin e seshon di spinning for di 6or di mainta. Esaki a bira e seshon mas gusta kompará ku añanan anterior. Danki na Burnard’s Health & FitnessCenter pa e spinbikes nan ku por a uza durante di e Annual Fitness Challenge. Un danki spesial tambe ta bai pa e instruktornan ku a aportá pa trese un bon ambiente, hopi energia i hopi sodamentu. E instruktor nan tabata Melvin, Yesenia, Henriquez, Suzy, Angelina i Nancy.
Un área ku nos a inklui e aña aki tabata esun di ekshibishn. Akinan no tabatin moveshon pero si diferente persona i organisashon ku sea a duna informashon òf a bende produkto durante e dia. Un danki spesial ta bai na e ekshibitornan ku a skohe di partisipá i yuda engrandese The Annual Fitness Challenge.
Tin diferente kompania ku mester yama danki pa nan aporte pa ku e dia aki speshalmente Banco di Caribe, Digicel, Flow, Licores Maduro, EWT, International School, Esperamos, Fajad i Penha. Pa kada unu ku di un òf otro manera a kontribui nos kier yama masha danki pa boso kontribushon.
Un danki spesial tambe ta bai na e grupo di studiantenan di ICUC ku a yuda karga e organisashon di e Fitness Challenge for di yanuari i ku maske diferente kontratiempo tòg a logra krea un eksperensia inolvidabel pa Kòrsou.
Kuminsá prepará pa aña 2024 pa e di nuebe edishon dia 7 aprel 2024. Reserv’é den bo agenda.
