Despues di 2 aña e ta bèk

Jan 16, 2023 | News

 e movementu di inklushon

WILLEMSTAD,  Awor despues di dos aña Fundashon  Alton Paas lo organisa e di 8 edishon di The Annual Fitness Challenge. E evento di fitness maratiniko ku ta trese diferente hende di diferente abilidat huntu pa move, pasa bon i alaves rekauda fondo pa esnan ku ta move ku difikultad

The Annual Fitness Challenge no ta un evento deskonosi. Ya pa algun aña Fundashon Alton Paas a bin ta organisá esaki ku diferente kolaborador i sponsornan. Esaki a bin ta krese tambe saliendo for di un area di moveshon bai na 3 area di moveshon ku ta konsisti di kaminata, spinning i e diferente seshonnan di fitness. Asina un persona por kumpra karchi pa partisipa of forma grupo tambe pa spin.

The Annual Fitness Challenge a bin karga e moveshon di inklushon dor ku na e evento bo ta haña hende ku diferente abilidat ta partisipá huntu na e diferente seshonnan di fitness. Bo por ta riba un spinbike i bo ta mira bandi bo un persona den rolstul ku ta hasi spinning na un handcycle banda di bo. Bo por ta kanando den kaminata i topa otro hende rolstul ku tambe ta push rolstul.e mesun distansia kubo. Bo por ta hasiendo un seshon di fitness i banda dibo bo ta haña un hende sinta den un stul ta partisipa ku mesun animo kubo. E momentu ei ta kambio bo persepshon kompleru di loke bo tbt pensa di hende ku desabilidat. Bo ta kuminsa mira kuantu kos e hende por maske ku e por tin un desabilidat.

Tur esaki ta den kuadro di e vishon di fundashon Alton Paas. E ta logra trese konsientisashon i tambe yega na fondonan ku lo bai sirbi pa sigui ku e trabounan pa mehora e kalidat di bida di personanan ku un dwarslaesie. Trabounan manera yuda kubri seshonnan di ehersisio pa personanan ku no ta logra kubri e gastu full, yuda mas hende den rolstul haña transporte mas fasil pa sali foi kas i hopi mas.

Pa abo ku ta kere den e vishon aki, reserva e fecha 12 di mart i keda pendiente pa informashon ya abo tambe por partisipá den e proksimó Annual Fitness Challenge.