Un di e balornan klave di Fundashon Alton Paas ta solushon. Tur kos ta un reto ku tin su solushon p’e. Ku e pensamentu ei Fundashon Alton Paas a start e proseso pa por fasilitá klientenan ku ta hasi uso di entre otro AP Center i Wheelee.
Mayoria kliente ku ta hasi uso di e dos inisiativanan aki di Fundashon Alton Paas ta personanan ku ta sufri di un paralisis pero 
ku mester firma presensia di training òf firma despues ku e persona keda transportá.
Hopi bia e paralisis ta hasi e firmamentu difisil i esei a laga Fundashon start un proseso pa yega na un solushon. Despues di diferente kombersashon a yega na e kompania IBIS Management ku a sostené e proyekto aki pa yega na un solushon digital y moderno pa e klientenan di Fundashon Alton Paas. E solushon ta kosisti di un plataforma digital kaminda e proseso di registrashon y comprobante di presensia ta wordu automatisa via mobile app y un console central. E funkshonalidad pa identifika ku un QR code y scan, ta e parti klave di e solushon aki.
E tipo di solushonan aki ta birando klave den nos bida diario, y IBIS Management ta commited pa sostene nos den e paso importante aki, hasiendo e donashon di e solushon na Fundashon Alton Paas.
Most accessible employer
IBIS no ta un kompania deskonosí. Na 2017 IBIS Management a risibí e premio di ‘Most Accessible Employer’ durante e Curaçao Inclusion Award pa stimulá aksesibilidat na Korsou. Esaki tabata un kategoria spesial pa duna rekonosementu na doñonan di trabou ku a tuma un persona den servisio ku tin un desabilidat. E ganadó a keda skohe basá riba votashon di komunidat pa asina yega na e kompania ku Kòrsou ke rekonosé komo e employer mas aksesibel.
Digitalisashon ta krea mas inklushon
E empleado di IBIS Management ku tin un desabilidat ta un di e personanan klave den desaroyo di e mobile app di Fundashon Alton Paas. Su mes eksperensia siendo tin un desabilidat tambe ta yuda den desaroyo pa asina Fundashon Alton Paas por tin su mes app ku bo por download riba bo telefon ora bo ta hasi un reservashon di Wheelee i tambe ku via e app bo por scan pa mustra ku bo a kaba di train i tambe despues ku un Wheelee baha bo na bo destinashon.
Esaki ta hasie mas fasil ku un kliente ku no por tene pèn den su man tòg por logra firma di un forma virtual. Sea ku e app di download riba su telefon òf asta ku un karnet ku un QRcode spesial ku e por haña serka Fundashon Alton Paas.
Esaki sigur ta un komienso di un kolaborashon briante ku IBIS Management ku sigur lo trese mas posibilidat den futuro pa sigui bini ku mas solushonnan digital pa fasilitá klientenan di Fundashon Alton Paas i hopi mas.