Danki na Stichting Signaal Sosial awor nos parkeerplaats nan ta haña mas respet

Jun 30, 2021 | News

For 2016 Fundashon Alton Paas ta situa na Winkel centrum colon. Esei a trese e reto di parkeer spesial pa e klientenan ku ta bin train na AP Center. Ta klientenan ku ta huza rolstul i ku difikultad di kana. A logra via e maneho di colon pa aloka 4 parkeerplaats spesial i ku nos por a designa spesial pa klientenan ku un desabilidat.

Sinembargo regularmente hende nan ku no tin un desabilidat tog ta huza e parkeerplaats i hopi bia e preteksto ta ku e persona no ta mira ku ta un parkeerplaats spesial pa un persona ku un desabilidat. 

Despues di a aserka CWM pa un sosten nos a haña e grato notisia ku via e fundashon Stichting Signaal Sosial nos lo haña e parkeerplaats renobá kompletu. Awor e parkeerplaats nan ta mas bisto i ta kumpli ku standarte nan internashonal pa parkeerplaats aksesibel.

Fundashon Alton Paas ta hopi kontentu i agradesido pa e donashon aki di  Stichting Signaal Sosial i ke stimulá mas organisashon pa krea parkeerplaats nan aksesibel ku ta kumpli ku standarte nan internashonal ya e parkeerplaats ta haña mas respet.