Ya pa algun aña AP Center sa tin un Dia Habri pa por laga komunidat di Kòrsou sera konosí ku e lokakidat di ehersisio spesial pa personanan ku un desabilidat fisiko.
E aña aki tambe meskos. Dia 28 mart 2021 di 10’or pa 16’or lo bai tin un otro Dia Habrí pero den un otro formato. Aworaki bo mester registrá pa partisipá i lo bo haña un di e trainernan spesifikamente durante 45 minüt dediká pa spliká bo kiko tur nos ta hasi, kontesta tur pregunta i asta laga bo eksperensia algun ekipo i ehersisionan ku bo por hasi serka nos na AP Center.
For di 2016 AP Center a habri su portanan ku 8 kliente i kada aña nos ta mira mas interes i desaroyo di personanan ku un
desabilidat fisiko pa kuminsá train na AP Center. Personanan ku un dwarslaesie i atake selebral ta e dos kondishonnan ku mas ta bin train serka nos pero banda esei tin personanan ku MS, ALS i otronan…
Nan a vòlg un di nos tres programanan kual ta:
- Ehersisio sin guia
- EbG (Ehersisio bou di Guia)
- ABT (Activity-based Training)
E programanan aki ta di un ora òf mas dependiente di kada persona su eskoho i durante di bo ora ku bo registrá pe lo bo por eksperensia sierto di e ehersisionan ku bo por haña pa kada un di programanan.
Pa bo partisipá na e Dia Habri bo mester yena e formulario riba nos website. Komo ku mester tene kuenta ku kantidat di hende mester planiá i manehá kada ora pa asina kada persona por eksperensiá e totalidat di AP Center. E kantidat ku por partisipá ta limita. Pesei nos ke enkurashá bo registrá awe mes pa bo por eksperensiá kiko AP Center por brinda bo.
