Nos no a sali for di e torneo di dominó di MCB ku un trofeo. Nos a sali ku algu ku nos no por stop di pensa riba dje, i e tin un fecha: e torneo di otro aña.
E ekipo di dominó di e empleadonan di MCB a rebibá e tim pa dos aña kaba. Komo parti di e esfuerso di e kompania mes pa mas inklushon, nan ta invitá un organisashon spesial tur aña pa partisipá. Aña pasá tabata Pro Bista. E aña aki, Fundashon Alton Paas tabata e invitado spesial.
Nos a bin ku seis hungadó den ròlstul, den tres ekipo di dos. Tim nan ku a partisipá tabata Citco, Douane, Centrale Bank, Aqualectra, Pro Bista i MCB mes.
“Nos a organisá e grupo riba e dia ei mes, i tòg nos a gana wega,” kapitan di e ekipo, Rudel Molina, a bisa. “Nos a asta parti sapatu mes!”
Pero nos a keda djis kòrtiku di e puntonan ku nos tabatin mester pa e otro ronda nan.
Douane a sali promé, Citco di dos i MCB di tres. Esun ku a entregá e premionan tabata nos fundadó, Alton Paas. El a bini riba su aña, a hunga algun wega su mes, i a papia di pakiko Fundashon Alton Paas ta eksistí: pa hende ku dwarslaesi I otro retonan di mobilidat por partisipá aktivo den komunidat. Esei ta inkluí e mesa di dominó, kaminda un ròlstul no ta hasi niun diferensia.
Danki, MCB, pa habri e porta, i pabien na tur e ganadónan.
I e final ku nos no a yega? Konsiderá esei un asuntu ku no a kaba. Un ekipo ku a forma den un dia so a parti sapatu kaba. Imaginá bo kiko un aña di práktika lo hasi. Douane, nos ta mira otro den e sigiente torneo!