Eksperensianan Proyekto Mobilidat Liber

Mar 29, 2021 | News

Fin di februari a kuminsá ku e proyekto ‘Mobilidat Liber’ kaminda tur siman a regalá 3 persona den ròlstul e oportunidat pa por a sali bai hasi un aktividat rekreativo kompletamente gratis. E promé tres personannan a keda skohé via organisashonan ku ta den kontakto ku Fundashon Alton Paas i despues tur persona por a registrá via un formulario ònlain pa bai den tombola.

Tur djarason pa 6:30 di atardi a bai live riba facebook page di Fundashon Alton Paas i asina ku yudansa di un Rowena Clementia di The Natural Mix i algun Miss di Marvelous Productions por a saka e 3 nombernan kada siman. Tur siman un persona por a gana e regalo pa bai laman i landa ku e aquatherapeut Belinda Liesdek. E di dos regalo tabata pa por bai kome na un restaurant di kual nos tin 3 restaurant den e proyekto ku ta Muse, Gondola i Green House Boulevard. I e di tres regalo ta bai hasi bishita di e persona su eskoho.

Nos mester gradisí tur esnan ku ta parti di e proyekto aki. For di e donantenan te e kolaboradornan. Nos a bin ta haña diferente reakshon masha positivo di kada persona ku a partisipá i nos kera kompartí esaki ku e diferente donantenan i kolaboradornan.

Klek aki pa lesa e eksperensianan