Kòrsou a representá Karibe

den konferensia di rehabilitashon na Argentina

WILLEMSTAD, Den òktober ultimo Fundashon Alton Paas tabata invitado pa duna un presentashon kon e situashon ta den Karibe relashoná ku dwarslaesie. Esaki pasobra Kòrsou ta e inisiado den Karibe pa kuminsá ku un red Karibense pa yuda personanan ku un dwarslawsie yega na un miho kalidat di bida.  

 

Aña pasa tabata tin pa di 3 bia e kongreso pa dwarslaesie den Karibe organisá pa Fundashon Alton Paas den kolaborashon ku Revalidatie Centrum Curacao. E kongreso aki tabata e promé unu ku a pone enfasis pa enbolbi mas tantu isla den Karibe ya ku den pasado tatin diferente profeshonal ku a bini Kòrsou pa asina haña informashon di e ultimo desaroyonan di dwarslaesie. A konstata un nesesidat di informashon ku a yega na e idea pa inisia un aliansa entre islanan den Karibe pa fasilitá interkambio di informashon, edukashon pa por yuda e persona ku dwarslaesie i su famia mihó.

Komo parti di e kongreso di 2018 a organisá un workshop huntu ku personanan di 6 diferente isla den Karibe. E personanan aki a duna sosten na e idea pa start ku e netwerk di dwarslaesie den Karibe. E persona ku a guia e proseso aki ta dr Frederico Montero di Costa Rica ku ta representa Karibe i Latino Amerika den e organisashon mundial di medikonan ku yama ISCOS ku ta para pa International Spinal Cord Society. Dr Frederico Montero tambe ta presidente di Sociedad Latino Americano de Paraplegia miho konosi komo SLAP. E aña aki SLAP a tene su konferensia den kolaborashon ku SAMFYR (Sociedad Argentina De Medicina Física Y Rehabilitación).

E topiko di netwerk di dwarslaesie den Karibe a keda pone riba programa di konferensia i tambe pa papia riba e posibilidatnan ku miembronan di SLAP pa Karibe bira un kapitulo den SLAP.

 

Alton Paas a keda invita komo orador na e konferensia di SAMFYR pa por a presenta tokante Fundashon Alton Paas, e kongreso di dwarslaesie i tambe e netwerk di Karibe. Kon a yega na e idea di e netwerk i kon leu ta awor ku e netwerk. Den sala tabatin diferente mediko, profeshonal di Argentina i otro paisnan den Latino America i tambe representantenan di diferente organisashon manera ASIA ku ta para pa American Spinal Injury Association. ASIA ta un asosiashon di mediko, spesialistanan di Merka ku ta traha spesialmente den e area di dwarslaesie. ASIA tambe ta hopi interesa den kon nan por yuda Karibe sea ku nan eksperensia, kontakto òf rekurso ku nan tin komo organisashon i profeshonalnan.

 

E bishita di Fundashon Alton Paas na Argentina a sirbi komo un komienso di kontakto i relashonnan internashonal pa por fasilitá yudansa no solamente pa Kòrsou pero hinter Karibe ku pa proksimo kongreso den sèptember 2020. Si tur kos kana segun plan lo por inisia e plataforma di Karibe aki pa por sigui yuda mehora kalidat di bida di personanan ku dwarslaesie den Karibe.

(function(i,s,o,g,r,a,m){i[\'GoogleAnalyticsObject\']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.src=g;m.parentNode.insertBefore(a,m) })(window,document,\'script\',\'https://www.google-analytics.com/analytics.js\',\'ga\'); ga(\'create\', \'UA-116235318-1\', \'auto\'); ga(\'send\', \'pageview\');