The Annual Fitness Challenge un biaha mas a kulmina den un eksitoso edishon. Lagando un eksperensia yen di satisfakshon, union i gratitut.
E aña aki a resaltá e oumento di partisipashon na e kaminata mes i tambe e personanan ku a spin danki na e èkstra spinbikesnan ku tabatatin di Burnard’s Health & Fitness Center. E èkstra spinbikenan aki tabata spesial den kuadro di e di 5 lustro di Burnard’s Health & Fitness Center ku a skohe di hasi su seshonnan di spinning pa selebrá su lustro durante di The Annual Fitness Challenge.
Asina e edishon di e aña aki tabata tin diferente elemento ku a hasi’e èkstra spesial i eksitoso.
Pa promé bia den tur e añanan ku tabata tin un grupo ku a yama nan mes the Die Hards ku a skohe di partisipá full e 6 oranan di e Fitness Challenge i ku nan partisipashon rekoudá fondo prinsipalmente na Hulanda via un kampaña di crowdfunding. Esaki tabata un inisiativa di Jaco Verwoert ku ta un stagiare for diHulanda ku ta koriendo su stage ya pa 7 luna na Dolphin Suites Hotel aki na Kòrsou. Despues ku Jaco a skucha e historia di Alton Paas i e kousa di e The Annual Fitness Challenge, ela skohé pa challenge su mes i otronan pa sea partisipá na full e 6 ora òf hasi un donashon. Esaki a resultá den 3 partisipashon ku a bai kaminata di 5km, mas ku 1 ora di spinning plus e seshonnan den sala. Banda di esaki e grupo tambe a logra rekoudá fondo via nan kampaña online ku a bai pa e yuda krea un futuro sin limitashon.
Meskos ku añanan anterior tabata tin diferente kompania i instansia i e aña aki tambe ministerio di OWCS ku a kubri karchinan ku diferente organisashonnsn por a bin partisipa. Organisashonnan manera Habaai, Betesda, Sgr-Groep, Pro Bista, Totolika i hopi mas.
Tabata algu impreshonante pa mira e diferente selebridatnan ku a skohe di uni den e reto dor di a graba nan anunsio di e reto ku nan a aseptá i alabes bini e dia i hasi e reto. Esakinan tabata entre otro Mary Stella Koeiman, Maurilio Nobrega, Laurien Angelista, Akisha Alberts i mas.
E logro aki ta mustra e impakto di uni hende huntu den moveshon. Algu ku ta grandi pa Fundashon Alton Paas i tambe ku ta lanta hopi entusiasmo i espektativa pa e di 10 edishon di The Annual Fitness Challenge.
E di 10 edishon lo bira aun mas grandi i aun mas spesial.
Mester yama danki na tur e instruktornan ku a sòru pa seshonnan movibel i hopi energetiko. Tambe mester gradisi tur e kompanianan ku a paga pa karchi òf ku a hasi donashon finansiero òf ku produkto i servisio.
Tin algun sponser spesial ku nos ke gradisí ku ta: Ministerio di Deporte Edukashon, Siensia i Kultura, EWT, Martijn Trading, Fortuna, Coca Cola, Glacial, Sito Trading, Sokudi, Dynaf, Venequip, Banco di Caribe, Curacao food trade, bo frei agencies, licores maduro, satex agencies, Martis High Tech Tools & Hardware, JD Transport, Danny’s Groceries,
Tambe un danki spesial ta bai na tur e boluntarionan ku a yuda for di e dianan promé te ku na final di e evento.
Por ultimo un danki ta bai pa tur partisipante ku a skohé di aseptá e reto i bin partisipá. Manera e t-shirt mes ta bisa, ‘no limitá bo retonan pero reta bo limitenan’.
