Willemstad, 11 maart 2024
KOMUNIKADO DI PRENSA
The Annual Fitness Challenge
For di Reto pa Triunfo: Huntu pa un Futuro mas Saludabel i Inklusivo
Willemstad, The Annual Fitness Challenge ta un inisiativa motivá pa e hendenan ku ta kere den un bida saludabel i un bienestar atraves di aktividat físiko, hermandat, i empoderamentu. For di su inisio, e evento a uní individuonan di tur klase pa selebrá e poder di moveshon i pone atenshon na un miho kalidat di bida. Ku un variedat di aktividatnan i programanan, The Annual Fitness Challenge tin komo meta pa inspirá partisipantenan pa retanan mes na un bida mas saludabel i inklusivo.
Den un mundo kaminda ta duna salú i bienestar mas prioridat, komunidatnan ta uní pa adoptá un vishon kompartí di un futuro mas saludabel. Entre e inisiativanan aki, tin unu ku ta sobresalí pa su enfoke úniko i su kompromiso firme pa fomentá kambio positivo: The Annual Fitness Challenge. E aña aki, riba 7 di aprel 2024, Fundashon Alton Paas ta organisá
The Annual Fitness Challenge for di 6:00 AM te ku 12:00 PM.
Mas ku solamente un evento di un dia, The Annual Fitness Challenge ta representá un biahe di transformashon, for di reto pa triunfo. Partisipantenan di tur nivel di bida ta uní pa logra un mishon kolektivo pa duna prioridat na nan bienestar i inspirá otronan pa hasi meskos.
“Nos ta kere ku dor di uní komo un komunidat, nos por logra kosnan notabel,” segun Alton Paas, e motor tras di The Annual Fitness Challenge. “Nos evento no ta solamente tokante esfuerso físiko; ta tokante krea konekshonnan, promové resiliensia, inklushon i habrí kaminda pa un futuro mas saludabel i felis.”
The Annual Fitness Challenge, su di nuebe edishon, a bira un símbolo di speransa i determinashon pa masha tantu persona ku ta buska pa mehorá nan salú i bienestar. For di kaminata energétiko te ku seshonnan konmovedó di spinning i aktividatnan dinámiko di fitness, e evento ta ofresé algu pa tur hende, sin importá edat, nivel di kondishon físiko, òf nan abilidat.
Pero kisas e aspekto mas remarkabel di The Annual Fitness Challenge ta su kapasidat pa uní tur hende bou di un meta komun: pa duna prioridat na nan salú i bienestar. Pa medio di eksperiensianan kompartí i sosten mútuo, partisipantenan ta deskubrí e poder di komunidat i e impakto transformadó ku esaki por tin riba nan bida.
Manera Fundashon Alton Paas ta poné: “Ora nos uní ku un propósito komun, no tin límité na loke nos por logra. The Annual Fitness Challenge ta tokante brasa e biahe i selebrá huntu kada paso pa dilanti.”
The Annual Fitness Challenge ta mas ku solamente un evento; e ta un testimonio di e resilensia i forsa di e spíritu humano. Mientras komunidatnan rònt mundo ta sigui enfrentá desafionan di salú, inisiativanan manera esaki ta sirbí komo speransa, inspirándo nos pa kere den un futuro mas saludabel i briante.
The Annual Fitness Challenge ta inklui un kaminata di 5 i 10 km, 6x 1 ora di spinning, i 8 seshon di fitness di 45 minüt kada un, for di 6:00 AM te ku 12:00 PM riba dia 7 di aprel 2024. Pa spinning mester registrá. Mas informashon tokante The Annual Fitness Challenge i karchi ta disponibel via Fundashon Alton Paas i online na https://bit.ly/2024tafc. Por kumpra karchi online.
