Dia 24 di April proksimó kuminsando for di 10or di mainta té 4or di atardi lo tin e sigiente Dia Habri di AP Center ku ta situa na Winkelcentrum Colon unit 4. Esaki ta algu ku ta keda organisá periodikamente pa personanan ku ta interesá di haña mas informashon di AP Center i ku ke komprondé kiko AP Center lo por nifiká pa nan.
Tá den ròlstùl ta trese diferente risikonan pa e kurpa dor di keda sinta largu. E kurpa humano no ta trahá pa sinta hinter dia i keda sin move. Pesei esnan ku a kuminsá na AP Center ta personanan ku a haña un dwarslaesie (SCI), ataka selebral (CVA), MS i hopi otro situashon mas ku ta hasi’é difisil pa move.
Kada persona ku a kuminsá tabata motivá si pa traha riba nan salú i tur momentu ku nan drenta AP Center nan ta keda aun mas motivá dor di e otro personanan ku tambe ta bin hasi ehersisio, e ambiente den e lokalidat i e amabilidat di e trainernan.
Atraves di e añanan tabatin diferente testimonio di personanan ku:
- A haña sensashon bèk na sierto parti di nan kurpa
- Dolo a bira menos
- A kuminsa drumi miho anochi
- Por a kuminsa lanta para
- Kuminsá kore nan ròlstùl independiente
- Kuminsá hasi transfer for di nan ròlstùl ku menos yudansa
Asina tin hopi mas pero ta importante pa bisa ku kada persona ta distinto. Nos no por mira futuro pa sa ki adelanto kada persona por tin pero dor di ehersisio bo ta yuda e kurpa bai dilanti i minimalisá komplikashonnan mediko.
Pesei den e siguiente Dia Habrí aki kada persona ku registrá ta haña 45 minüt huntu ku un trainer pa por splika kiko tur tin den AP Center, e programanan ku tin i alaves duna chèns ku bo por tèst algun ekipo i haña un idea kon e ehersisionan ta bai.
Pa por kordiná hinter e dia ku tur e diferente sitanan nos ta pidi kada persona registrá adelantá mas lihé ku bo por, ya asina bo tin mas oportunidat di haña un ora ku ta mas fasil pa abo. Si dado kaso bo ta den ròlstùl i bo no por logra haña transporte, nos por yuda ku esaki via Wheelee ku ta e transporte spesial pa personanan ku ta uza ròlstùl.
Pa registrá ta fasil. Bo ta klek e sigiente link i bo ta haña un pagina ku diferente informashon adishonal i na final di e pagina tin un formulario digital ku bo por yena bo datosnan i nos ta tuma kontakto ku bo bèk pa palabrá ku bo e orario di bo sita.
Si bo tin kualke duda òf pregunta bo por tuma kontakto ku nos libremente dor di yama òf manda un whatsapp na 5100087.
