Selebrá Abilidat

Mas ku 10mil hende na Kòrsou ta biba ku un desabilidat. Tin diferente di nan ku a pesar di nan sirkumstansia, tòg a logra sali pa dilanti ku nan bida.  Sea ta via un trabou, negoshi, talento i asta motivashon positivo pa anda ku nan bida.

Nashonnan Uni a proklamá Dia Internashonal di Personanan ku un Desabilidat na aña 1992. Ku e meta pa promové e derechi i bienestar di personanan ku un desabilidat den tur gremio di komunidat, oumentá e konsiensia tokante e situashon di personanan ku tin un desabilidat.

Den kuadro di esaki e diferente organisashonnan na Kòrsou a uni huntu pa pone atenshon nashonal na e abilidatnan di personanan ku desabilidat. Dor di krea un transmishon bibu di 6 ora largu mustrando ehèmpelnan di personanan ku un desabilidat ku lo inspirá i transformá Kòrsou su persepshon tokante personanan ku un desabilidat.

Aktividat            : Transmishon Selebrá Abilidat

Meta                   : Transformá Kòrsou su persepshon di personanan ku un desabilidat Organisado       : Diferente organisashon pa desabilidat na Kòrsou

Produkto           : Programa bibu via TV, radio i social media

Durashon          : 6 ora di 13:00 – 19:00

Programa          : E programa ta konsistí di 3 tipo di contenido i un panel:

• grabashon di personanan ku un desabilidat mustrando nan talento/hobby/ negoshi/trabou,
• Entrevista bibu ku persona òf organisashon ku ta traha ku personanan ku un desabilidat,
• presentashon bibu di talento of abilidat di un persona of grupo di personanan ku un desabilidat, grabashon

• Panel: Lo finalisá e programa ku panel di maksimo 2 ora ku tur Minister huntu i e diferente organisashonan ku ta traha ku personanan ku un desabilidat pa amplia riba diferente temanan.

Organisashonnan ku ta partísipá