Registrá pa e Dia Habrí di AP Center
Ta den un ròlstul ta trese diferente reto fisikamente. Bo kurpa mes no ta trahá pa keda sinta òf keda sin move hopi largu. Na AP Center bo ta haña guia, ekipo i hopi mas pa yuda abo keda den moveshon maske ku esaki ta difisil riba bo mes. Ku e sigiente Dia Habrí aki abo ta bai haña un sita di 45 minüt ku un di nos trainernan pa bo haña tur splikashon i asta purba nos ekiponan pa bo kuminsá bo ehersisio i gosa di tur e benefisionan di moveshon
18-Feb-2023
10:00 - 16:00
Winkelcentrum Colon unit 4
Nos trainernan
Durante bo sita lo bo por topa ku nos diferente entrenadornan
Nos ekiponan
Durante bo sita bo ta haña e oportunidat tambe pa tèst nos ekiponan di AP Center
Nos programanan
Durante bo sita bo ta haña oportunidat pa hasi pregunta tokante nos programanan di AP Center
Gym
Den gym bo ta haña akseso na tur e diferente ekiponan i asesorionan ku nos tin ku bo mes por bin hasi bo ehersisionan independiente. Lo tin si un asistente riba sala ku por yuda bo pone peso, posishoná bo ròlstul. prepará e aparato pa asina abo por logra hasi bo ehersisionan.
Ehersisio bou di Guia (EBG)
Ehersisio bou di Guia ta un programa ku ta enfoká riba bo propio metanan. Ku esaki un trainer ta traha un plan di ehersisio ku ta mustra kon bo por logra bo metanan i ta guia bo pa bo mes por logra hasi nan uzando tur e diferente ekipo i asesorionan ku tin den AP Center
Algun testimonio
Lesa aki algun testimonio di personanan ku ta bin AP Center
Mama di Jaythro
Pa Jayhtro e baimentu di AP Center ta komo un deporte i pasa tempu tambe. Ela yud’é hopi bon ku su halementu di rosea, e por uza su brasa mas mihó i asta tin mihó kòntròl riba su muskulonan
Rashon Antonia
Ehersisio a bira manera mi bon amigu. Dor di bin AP Center, mi ta sinti’é manera un gym ku mi trainer personal. Aworaki mi ta logra lanta para mihó i mi por para mas largu kompará ku promé
Preguntanan frekuente
Aki ta sigui algun pregunta i kontesta pa yuda bo prepará pa bo seshon dia 18 di februari proksimó aki na AP Center ku ta keda na Winkelcentrum Colon unit 4.
Kuantu ta kosta pa partisipá na e seshon
E evento aki ta gratuito pa partisipá. Bo mester registrá adelanta si pasobra kuponan ta limitá
Mi mester tin un 'verwijzing' pa bini bo sita?
Bo no mester di un ‘verwijzing’ pa bin bo sita. Ta importante pa abo ta na haltura di bo situashon mediko sí
Mi ta den ròlstul i mi ke bin pero mi no tin transporte, kiko mi por hasi?
Fundashon Alton Paas tin e servisio di transporte ku tambe por buska bo for di kas i tresebu na AP Center. Ta importante pa avisá esaki adelantá pa kordiná esaki ku e otro karedanan. Pa esaki si lo bo mester duna un kontribushon di 15 florin pa hasi e kareda aki
Kon lihé mi por kuminsá si mi ta interesá den un dje programanan di AP Center
Si durante bo sita bo yega na e desishon ku bo ke kuminsá, nos lo tin un persona pa kordiná e skèdjel ku bo pa fecha i frekuensia di bo ehersisio pa asina pone un fecha pa bo kuminsá
SVB ta kubri e programanan di AP Center?
SVB no ta kubri e programanan di AP Center, aktualmente tur persona ku ke hasi un programa di ehersisio mester kubri esaki for di propio forsa. Pues abo tin e fleksibilidat pa skohe kon frekuente lo bo ke sigui bo programa di ehersisio pa e por pas den bo bùdjèt i alaves duna bo e benefisio pabo salú.
Yena e sigiente formulario i nos lo tuma kontakto ku bo bèk pa palabrá un orario pabo sita.