Partisipá den e charla tokante Benefisionan fiskal pa hendenan ku desabilidat
Bin deskubrí huntu ku nos e benefisionan fiskal ku tin pa hendenan ku un desabilidat. E meta di e charla aki ta pa empoderá hendenan ku un desabilidat i nan famia pa sa di nan derechinan fiskal. Ku un eksperto riba e topiko nos lo siña di ‘Inkomsten belasting’ i tambe kiko ta e gastunan mediko i kuido ku un persona tin un desabilidat ku por deklará huntu ku su papel nan fin di aña fiskal
Esaki lo tuma lugá dia 21 di aprel di 4or di atardi pa 6or di atardi na e lokalidat di ehersisio di Fundashon Alton Paas ku ta keda den Winkelcentrum Colon. Pa partisipá mester registrá adelantá i tambe kontribui ku 10 florin. Lugá ta limitá pues registrá awor mes.
21-April-2024 4:00pm - 6:00pm
ANG 10,-
AP Center (Winkelcentrum) Colon unit 4
Kontenido di e charla
Aki bo por haña un bista di kiko lo bin dilanti den e charla
Kiko ta IB
Lo elaborá un tiki riba kiko ta ‘Inkomsten Belasting’ pa komprondé e struktura di empuesto kubo tinku deklara anualmente.
Medische aftrekposten
Lo elaborá riba e gastunan mediko ku bo por yena riba bo papel nan di impuesto ku bo por haña bek.
Nos oradó
Marie-Louise Schoop Msc.
Marie-Louise Schoop, fundadó i direktor di ‘Sustainable Busines Growth B.V’ ta un eksperto riba tereno finansiero ku un konosementu amplio riba atministrashon i finansas di negoshi. E ta resalta den yuda empresarionan strukturá nan atministrashon finansiero den forma efektivo. Su kompromiso den edukashon kontinuo ta bisto atraves di tur su sertifikashonann riba tereno di impuesto i tambe payrol. Aparte di su envolvimiento profeshonal, Marie-Louise ta aktivo den rol nan akademiko komo dosente i tambe otro rol nan komo konsehero
SBG – Accounting ta un ekipo konfiabel i profeshonal ku ta ofrese servisionan finansiero ku ta asisti abo pa abo por asisti bo klientenan miho. Nos enfoke ta pa sostene i empodera kada empresario pa nan por alkansa nan vishon ku nan empresa atraves di servisionan manera ‘Bookkeeping’, raportahe finansiero, konsultoria fiskal i treining
Kon pa kore yega
Ku e video aki bo por mira kon pa kore yega serka nos na AP Center kaminda e charla lo tuma lugá
Preguntanan frekuente
Akinan ta sigui algun kontesta riba pregunta kubo por tin
Ken tur por partisipá?
E charla aki ta habri pa tur hende ku ta interesá den e topiko. Sea ku ta abo mes tin un desabilidat òf un miembro di famia.
Kon mi por paga e 10 florin pa partisipá?
Tin 3 opshon pa hasi bo kontribushon pa partisipá. Bo por paga ku credit card, bank transfer huzando Sentoo òf kèsh. Na momentu kubo registrá bo ta indiká kon lo bo ke hasi e pago i asina nos lo tuma kontakto kubo pa dunabu e informashonnan kubo mester pa hasi bo pago.
Mi ke bin pero mi no tin transporte, kiko mi por hasi?
Si bo ke bin e charla pero bo no tin transporte, bo por tuma kontakto ku nos na 5100087 i hasi reservashon di un Wheelee ku por bin buskabu na kas i trese bu bèk kas pa 25 florin.
Ken mi por tuma kontakto kune si mi ke mas informashon?
Pa kualke duda òf pregunta, bo por tuma kontakto ku nos na 5100087 via whatsapp òf yamada telefoniko