Anunsiando fecha nobo: Deskubrí kiko bo kurpa ahinda por hasi na e Dia Habrí di AP Center

Fundashon Alton Paas ta anunsiá e sigiente dia habrí ku tabata programa pa 19 di April lo tuma lugá djadumingu 3 di mei 2026.

Un kambio di fecha nunka ta ideal pero e momentu nobo aki lo krea un oportunidat aun mas signikativo pa personanan ku limitashon fisiko pa eksperensiá algu ku di realmente lo hasi un diferensia den nan bida.

No ta simplemente ehersisio pero un perspektiva nobo riba loke ta posibel.

Pa varios hende ku ta biba ku sea dwarslaesie, Multiple sclerosis, ataka selebral òf otro kondishonnan fisiko e pregunta ta keda:
Kiko ta posibel pami ahinda?
Na AP Center, e pregunta ei ta keda eksplorá kada dia i ku kada seshon

E dia habrí aki ta nifiká mas ku bin wak un fasilidat, ta bai pa sinti, kompronde i eksperensia ki un sentro spesialisá den post-rehabilitashon por nifiká.

Durante e Dia Habrí partisipante nan por:

• Sera konosí ku nos tim spesialisá inkluyendo un terapista fisiko di mas ku 21 aña di eksperensia ku ehersisio pa personanan ku kondishonnan neurologiko
• Eksperensiá masashi terapeutiko, un parti nobo den nos programa eksistente
• Deskubrí aparatonan ku nos ta uza manera lus infrarojo, diseñá pa yuda ku dolo i sirkulashon
• Purba ekiponan ku ta yuda pa lanta para, forsa, balansa i mobilidat
• Kompronde kiko nos ta hasi, dikon nos ta hasie i kon e por yuda bo

Esaki ta un espasio ku un persona lo no keda definí pa su limitashonan pero pa su potensial i progreso. Loke hopi hende no sa ahinda.

Maske ku tin basta tempu di impakto, tòg varios hende na kòrsou ahinda no ta konosi ku tur e posibilidatnan disponibel na AP Center.

Ultimo desaroyonan tambe a amplia e loke e sentro por ofresé:

• Manera e terapista fisiko
• Masashi terapeutiko
• Lus infrarojo

Esakinan ta representá un nivel mas haltu di kuido i sosten pa personanan ku ta buska pa mehorá nan forsa, alivia dolo i gana bèk konfiansa den nan kurpa.

Tin 2 barera prinsipal ku ta bin dilanti ku hopi bia ta impedi un persona pa tuma e promé paso:

• Promé ta transporte i ku Wheelee un persona tin un servisio di transporte aksesibel disponibel pa por yud’é pa bai e sentro
• E di dos ta gastu. E seshonnan mes di ehersisio no ta kubrí pa SVB òf otro seguronan ahinda, pesei e dia Habrí aki ta un oportunidat pa eksplorá kiko e sentro ta nifiká promé ku bai na un desishon.

A oportunidat aki tin su kuponan limitá pa esnan ku ke eksperensiá e Dia Habrí.

Pa nos por sòru pa un eksperensia personal i di balor, e dia habrí aki lo tin espasio solamente pa 20 partisipante.
Ku esaki nos ke logra pa yuda alo menos 15 persona pa tuma e paso pa mehorá nan kalidat di bida.
Si abo òf un persona ku bo konosé tin kualke limitashon fisiko, e oportunidat aki bo mester probecha di djé. A lo menos pa wak kiko ta posibel pabo.

Pa partisipá mester registrá via e link: bit.ly/48COP9C

Fecha djadumingu 3 di Mei 2026
Lugá: AP Center (Winkelcentrum Colon)
Orario: 2:30 pa 4:30