Kome ku sabor – Masha dushi mes
Bin saboria huntu ku nos otro delisia kulinario durante nos sigiente fundraising titulá Kome ku Sabor. Atraves di e fundraising bo ta koperá i alaves kome sea pan ku Karni Stobá, galiña di grill òf Karko. Esaki ta pa 15 florin karibense i ku ta inklui un koi bebe i ku e pan ku e kontenido di bo eskoho.
8-nov-2025 10:00am - 12:00pm
ANG 15,-
Landhuis Bloemhof
Kiko tin riba menu?
Skohe entre e 3 opshonnan aki. Kada pan ta 15 florin i e prèis ta inklui un koi bebe
Pa kiko aporta?
Aña pasá ku Taco Take Out Bo no a simplemente kumpra un Taco, bo a yuda fortifiká e pasonan ku ta saka hende ku desabilidat for di isolashon, aumentá nan independensia i asta trese alegria den nan bida.
Pesei mes, e aña aki bo aporte ta mesun krusial pasobra tur dia nos ta traha pa hasi un diferensia den bida di hendenan ku ta biba ku dwarslaesie òf otro tipo di desabilidat. Pero e realidat ta ku ta hopi di e kosnan ku nos ta hasi ta bai sin pago òf ku un presio mas abou pa e por ta pagabel pa esnan ku mas mester di dje.
Pa e motibu ei, ahinda nos ta depende di donashon i fundraising pa yuda kubri sierto gastu basiko di nos operashon. Esaki no ta pa sobrebibí pero pa sigui sirbi i sirbi mas hende ku mas mester di dje.
Bo aporte no ta yuda nos hasi loke nos ta hasi, bo aporte ta hasi loke nos ta hasi posibel ku asina milagernan chikitu por kontinua pa hasi un impakto grandi den bida di otro ku ta krea un Kòrsou inklusivo kaminda bo ta mira hendenan ku dwarslaesie òf kualke otro desabilidat ta partisipá aktivo den komunidat.
Kontando e dia nan pa Kome ku Sabor
Day(s)
:
Hour(s)
:
Minute(s)
:
Second(s)
Nos sponor i partner nan
Danki na e diferente sponsor i partner nan aki nos por logra generá i sobra mas fondo ku ta bai pa un bon kousa
Landhuis Bloemhof
JD Transport
Voedselbank
Tira un bista riba e sigiente pregunta nan pa bo ta prepará
Unda ta mihó pa parkeer?
Ta bai tin dos sitio pa stashoná bo auto. Bo por parkeer dilanti e entrada di Landhuis Bloemhof òf bo por parkeer den kurá di Number 10 i kana di den e kurá pa yega serka nos.
Mi mester paga mesora despues ku mi hasi mi pedido?
No, ora bo hasi bo pedido nos lo tuma kontakto kubo sea via whatsapp òf email pa manda pabo e instukshonnan pa hasi pago. Despues ku nos risibí bo pago nos lo konfirmá bo pedido.
Kiko ta pasa si mi no por bin tuma mi pedido?
Si bo no ta alkansa di tuma bo pedido bo por mèldu nos adelantá i nos lo sòru pa prepará esaki pa bai hiba pa un hende den nesesidat via Voedselbank
Ora mi yega kon mi ta hasi tuma mi pedido?
Pa e persona ku hasi su pedido ònlain via nos website i ku hasi su pago i haña konfirmashon di su pago lo haña e instrukshonnan kon e por tuma su pedido dia 8 di nov proksimo.
Ki ta pasa si mi kai enamorá dje pan?
Ta prepará paso e pan nan lo ser ekipá ku hopi amor i dedikashon pues berdat lo bo kore e risiko ei. Si sobra na ultimo ora bo por kumpra mas pero nos sa ku kos tei kaba pues si bo ke mas ku un pan, Bestèl e adelantá.