9% di Kòrsou su komunidat tin un limitashon fisiko. Esaki ta mas ku 10mil persona ku ta forma parti di e komunidat desabilitá. Fundashon Alton Paas a lanta ku e meta pa trese konsientisashon i traha riba un mihó bienestar pa personanan ku dwarslaesie i otro problemanan neurologiko. Sinembargo tin mas hende ku otro tipo di desabilidat tambe ku ta benifisia di e diferente proyekto di fundashon Alton Paas.
Ku kada aña tin retonan nobo i oportunidatnan nobo ku awor tin chèns pa abo ku tin eksperensia pa forma parti di e direktiva di Fundashon Alton Paas komo tesorero òf sekretario. E posishon aki ta nifiká ku lo bo ta responsabel pa e.o.:
| Tesorero | Sekretario | |
| ● Presupuesto I kuentanan anual | ● Sekretariodo di e organisashon | |
| ● Analisis mensual di cash flow | ● Prepará reunionnan den konsulta ku presidente | |
| ● Akordá transakshonnan finansiero | ● Karga responsabilidat pa relatonan anual | |
| ● Karga responsabilidat pa buska fondo | ● Ta persona di kontakto pa e fundashon | |
| ● Ta un embahador pa e fundashon | ● Konsipia karta i plannan | |
Komo tesorero/sekretario lo bo partisipá na un reunion mensual di direktiva i tambe un òf dos reunion mas dependiente di otro
proyekto òf sitanan ku stakeholders. Lo bo partisipá na trainingnan di liderazgo, sosials i posibilidat pa interkambio internashonal.
Un persona ku gusta ta strategiko, ku por karga e responsabilidat komo líder, esaki ta un bon oportunidat pa bo por yuda krea un futuro sin limitashon pa personanan ku un limitashon na Kòrsou. Fundashon Alton Paas ke yuda krea un Kòrsou ku apesar di kualke sirkumstansia e persona por logra tin un bida kompletu i felis den nos komunidat.
Si bo ta un persona ku gusta sirbí hende, bo ta habri pa siña di e reto i oportunidatnan di personanan ku un desabilidat i bo ta solution oriented bo por tuma kontakto ku nos pa un sita pa sera konosi.
Pa wak e profil di e dos funshonan den direktiva bo por klek e lenk nan aki abou:
