Nos ta masha entusiasmá pa invitá bo pa nos lastu fundraising pa aña 2024, Taco Take Out Fundraising riba 18 di òktober entre 5’or di atardi pa 7’or di anochi na Cafe Magic(Lyraweg 41-Huki Perseusweg). Un oportunidat úniko pa bo hasi un impakto direktamente den bida di esnan den nos komunidat ku a enfrentá dwarslaesie òf otro situashonnan neurologiko.
E fundraising aki no ta pa nos—e ta bai pa loke nos por logra huntu. Kada sèn ku bo ta kontribuí pa medio di bo pedido lo bai pa sostené un futuro sin limitashon. Un kousa dediká na krea konsientisashon i mehorá e kalidat di bida di personanan ku dwarslaesie i otro problemanan neurologiko atrabes di programanan spesial di ehersisio, transporte aksesibel i muchu mas…..
Un ehèmpel poderoso di e impakto ku bo kontribushon por tin ta e historia di Raymian, un elèktrishèn lokal ku a pèrdè e sensibilidat na su pianan pa motibu di un kondishon debilitante. Sintá den un ròlstul i ku doló konstante, e futuro di Raymian tabata pinta skur. Pero, danki na e sosten di hendenan manera abo, Raymian a haña konfiansa i forsa na AP Center di Fundashon Alton Paas. Pa medio di e programanan ku bo ta yudá kubri, Raymian ta bolbe haña su independensia—saliendo di un ròlstul pa un “vierpoot”, i awor asta por kana ku un garoti.
Esakí ta e grandesa di e diferensia ku abo por hasi. Pa medio di bo koperashon na nos Taco Take Out Fundraising, bo no ta solamente kumpra un kuminda—bo ta duna un hende e oportunidat pa mehorá su kalidat di bida i dignidat. Bo sosten ta nifiká ku nos por sigui yuda esnan ku tin mas nesesidat di e programanan esensial nan aki.
Kiko bo por verwacht di bo Taco?
Bo pedido di Taco na balor di 25 florin ta na bo un refresko i bo Taco Kit. Bo Taco Kit ta un baki di 3 kompartimentu ku lo kontené 2 soft Taco, keshi raspa, berdura fresku manera kròpsla, promentòn, siboyo, un porshon di karni stobá mulá i tambe un porshon di galiña. Tin tambe 3 sous pa pone riba bo Taco ku ta guacamole, whipped cream òf Saus di Tomati.
Mientrastantu ku bo ta disfrutá bo Taco—kayente, suave, i yená ku kos bon—rekordá ku kada hap ta representá un paso pa un futuro sin limitashon.
Si bo ke koperá pero bo no ta interesá den tuma e Taco, bo por mèldu esaki adelantá i nos ta entregá e Taco nan na hendenan den nesesidat via “Voedselbank Curaçao”.
Nos no por hasi esaki sin bo. Huntu, nos por hasi un impakto duradero. Marká e fecha riba bo kalèndario pa 18 di òktober, hasi bo pedido trenpan promè ku 11 di òktober i prepará pa bo pasa tuma bo pedido entre 5’or i 7’or PM na Café Magic(Lyraweg 41-Huki Perseusweg). Bo por hasi bo pedido ònlain via e link aki: https://bit.ly/4dx4qbd of pa kualke kos bo por tuma kontakto ku nos na 5100087
