Mi nòmber ta Syslin Martina i mi tin ya 3 aña ta bin train na AP Center. Mi a kuminsá bin dor di problema na rudia ku mi tin. For di aña 2009 mi a hasi promé operashon na rudia. Despues tabata 2018 i 2019.
Na 2018 mi a kuminsá tende di e sentro di ehersisio na televishon i despues di mi operashon mi a kuminsá papia ku mi ruman pa mi bin paso mi ta biba na St Helena, kiermen ta djis serka ei.
Dia mi a kuminsá bin ma haña Gibi promé. Mi a kuminsá for di e tempu ei dos bia pa siman un ora. Dia mi a kuminsá Gibi tabata yudami den gym. E tabata siñami tambe unda mi por hasi ehersisio. Ela splikami di e diferente ekiponan pa mi train.
E kos ku mi gusta mas di AP Center ta e ekiponan. Tin dos di nan ku mi ta huza mas tantu ku ta esun di pia i esun di buikspier. Nan ta yudami hopi bon.
Mi gusta e ambiente tambe si. Tur hende aki den ta trata bo bon.
Mi a ripará ku mi por hasi hopi na kas awor, e kurpa ta fit i pa mi warda otro hende hasi kos pa mi, mi mes ta lanta bai kue.
E lockdown nan no a hasi un diferensia dje grandi ei. Dor ku mi ta hasi mi kosnan mi mes na kas mi ta keda move. Mi mes mester keda hasi mi kosnan i mi ta hasi ehersisio tambe anochi riba mi kama ku mi pianan pa nan por keda fit.
Si tin un hende ta pensa pa bin lo mi bisa nan meskos ku mi a bisa mi prima ku ta bin ku mi aworaki. Bo mester keda move pa bo kurpa keda fit. Esei a yuda ami ku mi por sigui move mas lihe i bon pa mi hasi mi kosnan. Kiermen bo tambe por bin pa bo move.