Personanan ku un parálisis ta topa ku diferente reto aki na Kòrsou:
- Aksesibilidat
- Transporte
- Aseptashon
- I hopi mas….
Atraves di e aña Fundashon Alton Paas a bin ku diferente inisiativanan pa trese konsientisashon i tambe traha riba un mihó 
bienestar pa personanan ku tin dwarslaesie. Hopi bia den tur e nesesidatnan ta lanta e pregunta kiko bo ta kuminsá kuné promé. Pasobra kada un persona ku dwarslaesie sinta na kas sin move ta kore rísiko di haña komplikashon médiko, kada persona ku dwarslaesie sin ta sosialisá ta bira vulnerabel di kai den depreshon, kada persona den rolstoel ku mester parker leu for di entrada ta kore rísiko di outo dal e ora e ta kore riba e parkeerplaats, dor ku shofùrnan no ta mira e persona den su rolstoel asina fásil den spil patras. Asina tin diferente situashon mas ferfelu ku ta biba den nos komunidat ku no ta tur bia ta logra haña atenshon. Sinembargo mester kuminsá un kaminda. Esei Fundashon Alton Paas a hasi. No sinta reklamá pero tuma paso nan pa krea kambio paso nos ta kere ku kada un di nos por ta e kambio ku nos ke mira den nos pais.
P’esei nos a krea e oportunidat awor pa bo bin skucha di e kambionan ku nos ta tresiendo den nos pais atrabes di nos dia habrí. Esaki ta bira di dos bia ku nos ta organisá esaki. Aña pasa tabata e promé i e aña aki lo ta di dos bia. Ta un momentu ku nos ta logra mustra e impakto di nos esfuersonan. Lo bai tin tres persona e dia ei ku lo konta nan historia. Nan lo mustra kon nan a bai dilanti, kiko nan ta eksperensiando atrabes di e inisiativanan di Fundashon Alton Paas. Lo bo haña tambe un presentashon ku ta mustra e otro logronan i tambe sierto dato di nos esfuersonan. Pues un ratu tremendo, ku algu di kome i bebe pa nos pasa bon durante e dia habri.
E dia habri lo ta riba 20 di yüli di 5’or pa 7’or na Winkelcentrum Colon. Pa partisipá bo mester registrá paso lugá ta limitá. Nos mester prepará tambe pa por akapará tur persona. P’esei nos ke invitá abo tambe pa registrá, bin partisipá i skucha pa bo mes e impakto di nos organisashon.
Klik e link pa registrá:
http://bit.ly/2KTRqlE
